Një gomone me 685 kg lëndë narkotike është sekuestruar në mesnatën e 2 qershorit. Gomonia ishte fshehur në pyll pranë Lumit të Vjosës, rreth 1 km larg grykëderdhjes së saj, ku brenda së cilës gjendeshin pako dhe çanta të cilat përmbanin lëndë narkotike të dyshuar si Cannabis Sativa.
“Në këtë mjet dhe pranë tij (të hedhura në tokë) janë gjetur gjithësej 67 pako dhe 4 çanta, të cilat pas peshimit kanë rezultuar me peshë të përgjithshme prej: 685 kilogramë lëndë narkotike e dyshuar si Cannabis Sativa që janë sekuestruar në cilësinë e provës materiale”
Shërbimet e Policisë në bashkëpunim me njëra-tjetrën, vijojnë kërkimet duke krehur zonën tokësore përreth, por edhe atë ujore, me qëllim kapjen dhe arrestimin e autorëve të implikuar në këtë veprimtari kriminale.
