Një ngjarje e rëndë ka ndodhur mbrëmjen e djeshme në lagjen Valias i Ri, në Tiranë, ku një i ri ka mbetur i plagosur rëndë pas sherrit për pronën.
Sipas policisë së Tiranës, dy persona Hasan Sh. e Dashamir Sh., 59 e 34 vjeç, banues në Valias të Ri, kanë goditur me mjete të forta (shufra hekuri) në kokë dhe në trup, 21-vjeçarin me inicialet N.Ll.
Ngjarja ka ndodhur mbrëmjen e djeshme rreth orës 20:30, në lagjen Valias i Ri, janë konfliktuar për motive pronësie.
Uniformat blu kanë arrestuar dy autorët, ndërsa 21-vjeçari ndodhet në spital në gjendje të rëndë shëndetësore.
