Dy të rinj shqiptarë kanë rënë në prangat e policisë italiane, pasi u kapën me armë. Mediat italiane raportojnë se Marin Gurakuqi, 30 vjeç dhe Rudi Paulini 22 vjeç, u kapën në Toskana.
‘Lanazione’ shkruan se Gurakuqi kishte vetëm pak ditë që kishte dalë nga burgu, pasi ishte arrestuar në 2015-ën, si pjesë e një bande grabitësish shqiptarë.
Policia kishte pikasur dy të rinjtë, pasi njëri prej tyre ishte me precedent penal, ndërsa tjetri i dëbuar nga Italia. Gjatë kontrollit të ushtruar, u gjet një pushkë gjahu dhe një pistoletë me silenciator.