Prostituta ‘spiunon’ tutorët shqiptarë që e rrihnin barbarisht, dy në pranga (EMRAT)

535
Një prostitutë duke bashkëpunuar me policinë italiane ka bërë që dy shqiptarë të përfundojnë në pranga, të cilët kishin krijuar një rrjet prostitucioni në Milano.

Policia fqinje arrestoi Indrit Arapin, 34 vjeç, që ishte dhe “bosi” i bandës si dhe bashkëpunëtorin e tij të ngushtë, Gentjan Hoxha, 45 vjeç. Arapi është dënuar me 4 vite e një muaj burg, ndërsa Hoxha me 3 vite e 8 muaj burg.

Sipas mediave italiane, vajzat rriheshin barbarisht dhe si pasojë prostituta me orgjinë shqiptare është detyruar të bëjë denoncimin në polici. Pas akteve seksuale, klientëve u ofroheshin edhe doza kokaine.

Të paktën 7 apartamente janë zbuluar ku ushtrohej aktivitetin nga viktimat e tyre.

Hoxha ishte në krye të rekrutimit të vajzave në Shqipëri apo Rumani, duke përdorur ndërmjetësit të cilët janë paguar rreth 800 € (përfshirë udhëtimet). Pasi të mbërrinin në Itali, secila prej vajzave duhet të “kalonin një provim”. Në rast se nuk pëlqeheshin nga shfrytëzuesit, ktheheshin në shtëpi. Dy të arrestuarit kanë precedentë penalë, pasi në vitin 2006 janë dënuar për trafik droge në Torino.
Sigal