Prodhonin produkte ushqimore fallso por bien në prangat e policisë. Policia e Shkodrës bën të ditur se janë arrestura 3 persona pasi akuzohen se prodhonin produkte ushqimore në kundërshtim me ligjin. Një tjeter përson është shpallur në kërkim.
Në njftimin e policisë thuhet se: Më datë 28.03.2018, nga Struktura kundër Krimit Ekonomiko -Financiar të D. V. P. Shkodër në bashkëpunim me strukturat qendrore të AKU-së u zbulua dhe u dokumentua aktiviteti i kundraligjshëm për prodhimin e produkteve ushqimore dhe në përfundim të kontrollit u bë arrestimi në flagrancë i shtetasve:
G.B, 60 vjeç, banues në lagjen ” Ahmet Haxhia”, pronar i firmës,
E. B, 26 vjeç, banues në lagjen “Ahmet Haxhia”, i punësuar në firmë,
H. E, 60 vjeçe, banues në lagjen “Partizani”, e punësuar merceologe në firmë
Si dhe u shpall në kërkim shtetasi D. H, 45 vjeç, banues në Tiranë , me detyrë Inxhinier merceolog në firmë.
Arrestimi i këtyre shtetasve u bë pasi më datë 28.03.2018 nga ana jonë janë kapur në flagrancë në vendin e quajtur Lagjja “Skënderbeg” zona industriale ish -Fermentimi, në punishten e një firme ku prodhoheshin produkte të ndryshme ushqimore në kundërshtim me ligjin.
Në kuadër të këtij operacioni u bë sekuestrimi i të gjitha produkteve në cilësinë e provës materiale.
Materialet iu referuan Prokurorisë Pranë Gjykatës së Shkallës Parë Shkodër në ngarkim të këtyre shtetasve për veprat penale të “Prodhim i kundraligjshëm i artikujve dhe mallrave industriale dhe ushqimore” dhe “Fshehja e të ardhurave” parashikuar nga nenet 288/a dhe 180 të Kodit Penal.
