Zyrtarë të Policisë së Shtetit, përmes një deklarate për shtyp ka dhënë detaje mbi ngjarjen e ndodhur në Laç, ku u përfshi edhe deputeti i PS, Armando Prenga. Shefi i komisariatit lokal të policisë, Nik Nikolla ka sqaruar se deputeti Prenga është arrestuar në kushtet e flagrancës. Sipas tij, ngjarja, ku janë përdorur armë zjarri dhe mjete të forta, ka ndodhur jashtë ambjenteve të komisariatit të Kurbinit. “Armando Prenga ka plagosur me qytën e pistoletës shtetasin Gjok Cali. Ai akuzohet për plagosje të rëndë me dashje dhe armëmbajtje pa leje”, ka sqaruar Nikolla. Ai ka shtuar se, “askush, pavarësisht statusit që ka, nuk është i paprekshëm përballë ligjit”, ka deklaruar më tej Nikolla.
