Plagosje në Peqin, 41-vjeçari godet me thikë një të moshuar

Një plagosje me thikë kë ndodhur ditën e sotme në Peqin, ku një 41-vjeçar ka goditur një të moshuar me thikë.
Policia bën me dije se 41-vjeçari me iniciale K.C, në Lagjen Xhami Peqin, gjatë një konflikti për motive të dobëta ka goditur disa herë me thikë E.Sh., 61 vjeç banues në Peqin.

E.Sh, pasi mori ndihmën e parë mjekësore në Spitalin Kirurgjik Elbasan, u dërgua për mjekim më të specializuar në Tiranë.

Policia e Elbasanit bën me dije se është shpallur në kërkim 41-vjeçari, ndërsa materialet hetimore i kanë kaluar Prokurorisë së Rrethit Gjyqësor Elbasan për veprime të mëtejshme për veprën penale "Vrasja me dashje e mbetur në tentativë" dhe "Prodhimi dhe mbajtja pa leje e armëve të ftohta".