Dy shtetas u arrestuan nga policia e Tiranës si të dyshuar për plagosjen e ndodhur pasditen e së premtes në një lokal në zonën e Selitës.
Sipas një njoftimi zyrtar nga policia, të arrestuarit janë Florjan Musaj 25 vjeç dhe Gjon (Valmend) Pelivani 28 vjeç.
Njoftimi zyrtar i policisë
Në lidhje me ngjarjen e ndodhur më datë 16.02.2018 në rrugën “Irfan Tomini”, ku pas një konflikti u plagosën dy shtetas, në vijim të veprimeve të kryera nga Specialistët e Seksionit për Hetimin e Krimeve ndaj Jetës u bë arrestimi në flagrancë për veprat penale “Vrasje me paramendim”, ngelur ne tentativë si dhe “Mbajtje pa leje të armeve luftarake”, e shtetasve:
• Florjan Musaj, 25 vjeç, banues në Tiranë.
• Gjon (Valmend) Pelivani, 28 vjeç, banues në Tiranë.
Si dhe është bërë shpallja në kërkim e dy personave të dyshuar si bashkëpuntor për ketë ngjarje, konkretisht:
• F. P., 24 vjeç, banues në Tiranë, për veprën penale “Vrasje me dashje” mbetur tentativë, e kryer në bashkepunim, dhe “Mbajtje pa leje të armeve dhe municionit luftarak”, parashikuar nga nenet 76-25-22, 278 të Kodit Penal.
• R. P., 22 vjeç, banues në Tiranë, per vepren penale “Vrasje me dashje” mbetur tentativë, e kryer në bashkëpunim dhe “Mbajtje pa leje të armëve dhe municionit luftarak”, parashikuar nga nenet 76-25-22,278 të Kodit Penal.
Pasi rreth orës 12:30, në rrugën “Irfan Tomini”, gjatë një konflikti të çastit ka mbetur i plagosur shtetasi Gjon Pelivani dhe R.H., 31 vjeç, të cilët ndodhet në spital, jashtë rrezikut për jetën.
Gjithashtu është sekuestruar një armë zjarri pistoletë me një kreher me 2(dy) fishekë.
