Petrit Vasili reagon për ndarjen nga jeta të deputetit të LSI: Gjovalin, na theve zemrën!

27
Ndarja nga jeta para kohe të deputetit të LSI-së, Gjovalin Kadeli, ka prekur dhe kryetarin e kësaj lëvizje njëkohësisht mikun e tij Petrit Vasili.
Në një status në Facebook, Vasili tregon se ishte një nga personat që e përcolli para se të hipte në avion për në Itali.
“Lajmi per mikun e shtrenjte Gjovalin na thau zemren. E percolla dhe buzeqeshja e tij perpara se te hipte ne avion nuk mendoja kurre se do te ishte e fundit. Do te kemi ne mendje gjithe jeten miku yne i dashur,” është mesazhi i ndjerë i Vasilit.
Prej disa kohësh ligjvënësi 53-vjeçar i Lezhës vuante nga një sëmundje e rëndë, (pankreasi akut) duke u tërhequr dhe nga politika.
Kadeli, ashtu dhe siç dihet, ka qenë si fillim deputet i PS, (2009-2013)ndërsa në 2013-ën e futi PD në listat e saj. Më pas, Gjovalin Kadeli kaloi me Lëvizjen Socialiste për Integrim, ndërsa si deputet ka shërbyer në dy legjislatura.