Përplasen tre mjete te Astiri, një person i plagosur rëndë

119

Një aksident i trefishtë ka ndodhur para pak minutash në zonën e Astirit në Tiranë . Si pasojë e përplasjes së tre mjeteve, mes tyre një urbani të Tiranës së Re, ka mbetur i lënduar një person, identiteti i të cilit nuk bëhet i ditur.

Sipas burimeve nga policia i plagosuri është dërguar drejt spitalit të Traumës dhe gjendet në gjendje të rëndë për jetën.

Sipas dëshmitarëve që janë në vendngjarje një mjet Range Rover me targa angleze ka përplasur një mjet tjetër tip Benz, dhe më pas është përfshirë dhe urbani i linjës së Unazës së Re.