Katër shqiptarë nga Kosova janë arrestuar nga policia në Tirolin Jugor, rajon autonom në Italinë veriore, pasi akuzohen se kanë përdhunuar një shtetase nigeriane.
Ngjarja ka ndodhur natën mes 3 dhe 4 majit, teksa një burrë nga Kosova ka sjellë tek tre miqtë e tij po nga Kosova një shtetase nigeriane që punonte si prostitutë.
Ajo është përdhunuar gjithë natën nga 3 burrat nga Kosova duke u mbajtur jashtë orarit të pagesës dhe kundër vullnetit të saj. Ajo është lënë e lirë në mëngjes, ku i është mbajtur edhe telefoni celular. Nigeriana 27-vjecare ka denoncuar 4 shqiptarët në polici, shkruan orf.at.
Mësohet se katër burrat, identiteti i të cilëve nuk bëhet i ditur punon në ndërtim dhe akuzohen për dhunim seksual e kryer në bashkëpunim. Ata janë dërguar në paraburgimin e Bozner në pritje të masës së sigurisë.
