Sherri për pronën mes dy bashkëfshatarëve, për pak sa nuk ka shkaktuar viktima. Ngjarja ndodhi në fshatin Torovicë të Lezhës, në lagjen Malecaj. Falë ndërhyrjes së policisë u bë e mundur të parandalohej vrasja, ndërsa pas hekurave përfundoi Dedë Zhuri.
Burime nga policia lokale pohuan se 46-vjeçari kishte konflikt pronësie me bashkëfshatarin të tij me iniciale M.GJ., ndërsa autori ka marrë më pas armën e tij të zjarrit, për të cilën nuk dispononte leje përdorimi.
Sakaq, kur agresori ka parë forcat e policisë ka hedhur armën dhe është larguar në pyll, por është kapur pas 5 orësh ndjekje. Materialet proceduriale i kaluan Prokurorisë së Rrethit Gjyqësor Lezhë për veprën penale “Prodhimi dhe mbajtja pa leje e armëve luftarake dhe municionit” dhe “Kanosje”.