Një djalë 7-vjeçar është mbytur pasditen e sotme teksa lahej në lumë.
Djali ishte bashkë me vëllain e tij binjak në momentin e ngjarjes, duke u larë në lumin pranë fshatit Laknas në Tiranë.
Trupi i pajetë i 7-vjeçarit të mbytur është nxjerrë nga lumi nga banorët e zonës, ndërsa është shpëtuar vëllai i tij binjak.
Në vendngjarje kanë mbërritur menjëherë uniformat blu, dhe po punojnë për zbardhjen e plotë të ngjarjes.