Gjykata e Krimeve të Rënda në Tiranë ka caktuar masën “arrest me burg” për 55-vjeçarin Tajar Kazanxhiu i cili qëlloi për vdekje gruan e tij me sqepar.
Mesohet se 55-vjeçari ishte shprehur i penduar në sallën e gjyqit për atë që kishte ndodhur madje u kërkoi falje edhe fëmijëve.
“Jam shumë i penduar për çdo gjë që ka ndodhur, nuk doja ta vrisja, nuk kthej dot gjë pas, nuk e di si e vrava Tashën time, u kërkoj shumë falje fëmijëve,” mësohet të ketë thënë Tajar Kazanxhiu.
Natasha Kazanxhiu, 51 vjeçe humbi jetën në spital disa orë më pas, ndërsa bashkëshorti Tajar Kazanxhiu 55 vjeç kishte shkuar në policia për të denoncuar krimin që kishte kryer në banesë.
Pas martese, çifti kishte pasur shpesh debate për shkak se Tajar Kazanxhi ishte xheloz ndaj gruas së tij. Gjendur në një situatë të përhershme të tillë, mes debateve të bashkëshortit të alkoolizuar ku shpesh ai edhe e kanoste, 51-vjeçarja ka vendosur të largohet nga banesa bashkëshortore. Siç mësohet, ajo kishte disa ditë që ishte larguar dhe ishte vendosur në shtëpinë e së bijës në fshatin Plug.
Banesa ishte bosh pasi vajza siç mësohet jetonte me familjen e saj në Greqi. Mbrëmjen e ngjarjes, në banesë i ka shkuar burri ku i ka kërkuar asaj falje dhe i është lutur që ajo të kthehej në shtëpi. Por gruaja ka qenë e vendosur që të mos shkonte
