Të tjera detaje zbulohen për ngjarjen e ndodhur mbrëmjen e djeshëm në zonën e ish-Bllokut, ku mbeti i vdekur, Rigers Gaxha, 26 vjeç.
Mësohet se në atentatin e mbrëmshëm janë plagosur tre persona, ndërsa pas kontrolleve të kryera, dyshohet se janë përdorur edhe dy pistoleta.
Dyshohet se objektiv i atentatit se ka qenë 36-vjeçari, Ervis Martinaj me origjinë nga Burreli, i cili është një emër mjaft i njohur për Policinë.
Së fundmi ai është dënuar me 1 vit e 4 muaj si i përfshirë në vrasjen e Enton Nikës dhe plagosjen e Ismet Gaxherrit në vitin 2015 në zonën e Linzës.
Si lindi konflikt mes palëve:
Dy palët në konflikt kanë qenë brenda lokalit. Mes tyre ka pasur fillimisht një konflikt fizik e me pas u përdoren armët. Dyshohet se janë përdorur 2 pistoleta. Njëra prej tyre është gjetur në vendin e ngjarjes. Burimet thonë se konflikti ka nisur nga viktima Rigers Gaxha, i cili ka goditur me grusht palën kundërshtare. Me pas ka pasur shkëmbim zjarri mes 2 tyre.
Burimet thonë se skena ka qenë e përgjakshme dhe lokali është mbushur me gjak. Jashtë lokalit policia sekuestroi 2 mjete, të cilat dyshohet se i përkisnin palëve në konflikt nje BMW dhe një Honda, njëra prej tyre ishte e ndezuar.
Viktimë mbeti Rigers Gaxha, truproja e Ervis Martinit dhe Laert Hasa mik i tij. Rreth 2 orë pas ngjarjes në një spital privat në Tiranë u paraqit një tjetër person i plagosur me armë zjarri duke e çuar në 3 numrin e të plagosurve. Policia nuk jep identitetin e të plagosurit të tretë, por motivet mbeten ende të paqarta.
