Gjykata e Kukësit ka dhënë masën e sigurisë “arrest shtëpie” për 4 të arrestuarit në Kukës. Tre prej të arrestuarve nga policia, ishin punonjës të Bashkisë së Kukësit, dhe një qytetar.
Katër personat ishin ndaluar pasi protestuan dhe larguan KZAZ-në numër 11 nga ambientet e palestrës së shkollës “Havzi Nela” në qytetin e Kukësit, ku në bashkëpunim me njeri-tjetrin kane prishur derën e palestrës dhe kanë vënë zjarr në oborrin e palestrës si dhe kanë kundërshtuar punonjësit e policisë.