Një 35-vjeçar është arrestuar ditën e sotme, pasi ka kundërshtuar një punonjës policie.
Sipas njoftimit të policisë, shtetasi E.D., ka qenë duke u konfliktuar me një shtetas tjetër në Unazën e Re, dhe në që policia ka ndërhyrë për neutralizimin e konfliktit, ky shtetas ka kundërshtuar me forcë dhe ka kanosur punonjësin e policisë së patrullës së përgjithshme.
Njoftimi i policisë:
Kundërshton dhe kanos për shkak të detyrës punonjësin e policisë, por arrestohet në flagrancë
Shërbimet e Komisariatit të Policisë Nr.6, arrestuan në flagrancë shtetasin:
– E. D., 35 vjeç, banues në Tiranë.
Në rrugën “Mikel Maruli”në Unazë të Re, 35- vjeçari E. D., ka qenë duke u konfliktuar me një shtetas tjetër dhe në momentin që policia ka ndërhyrë për neutralizimin e konfliktit, ky shtetas ka kundërshtuar me forcë dhe ka kanosur për shkak të detyrës punonjësin e policisë së patrullës së përgjithshme.
Materialet proceduriale i kaluan Prokurorisë së Rrethit Gjyqësor Tiranë në ngarkim të shtetasit E. D., për veprat penale “Kundërshtim i punonjësit të rendit publik” dhe “Kanosja”.
