Të paktën 100 persona janë helmuar në Peshkopi, pasi kanë konsumuar tortë, mes të cilëve edhe fëmijë.
Lajmi konfirmohet nga spitali rajonal i Peshkopisë, ndërsa 45 nga të helmuarit janë shtruar në spital, 15 prej tyre fëmijë. Personat e tjerë që kanë shfaqur shenja helmimi janë larguar drejt banesës pasi kanë marrë ndihmën mjekësore.
Personat që kanë konsumuar tortë dyshohet se kanë qënë në një gëzim familjar. Drejtoria e Shëndetit Publik me konstatimin e rastit ka marrë mostrat dhe i ka dërguar në Tiranë për ekzaminim.
Gjithashtu në bashkëpunim me Inspektoriatin e Sigurisë Ushqimore ka bllokuar pastiçerinë ku dyshohet se janë shitur tortat.
