Një shqiptar ka përfunduar në prangat e policisë italiane, pasi u kap duke transportuar 4.7 kilogramë heroinë. Sipas medieve italiane, bëhet fjalë për shtetasin me inicialet S. S., lindur në Durrës. Ai ishte në timonin e një makine tip “Golf”, kur përpara i doli një patrullë policie. Gjatë kontrollit ai ka treguar nervozizëm, çfarë i ka bërë karabinierët që të dyshojnë. “I riu shfaqi shenja nervozizmi, çfarë i bëri policët të dyshonin se ai diçka po fshihte dhe kështu vendosën ta kontrollojnë” raportojnë mediet italiane. Sipas policisë vendase, në bagazh, në një lodër pellushi ai kishte fshehur në pako të vogla, 4.7 kilogramë heroinë. Pas kësaj, shqiptari u dërguar në polici, ku do të përballet me akuzën e “Trafikut të lëndëve narkotike”.
