Një person është arrestuar në flagrancë ditën e sotme pasi është kapur me një sasi të konsiderueshme cigaresh kontrabandë. Personi i arrestuar është shtetasi Stavri Topi. Ndalimi i tij u bë në degën e Doganës Kakavijës, nga Drejtoria e Antikontrabandës në bashkëpunim me policinë e kësaj dogane. Bëhet e ditur se personit të ndaluar i është gjetur një sasi prej 7600 fije cigaresh. Malli kontrabandë ishte fshehur ne pjesë të ndryshme të mjetit tip “Benz” me targe AA770LS.
