Ishin luftëtarë të Al-Nusras, 2 kosovarë pranojnë akuzat

96
Arben Livoreka dhe Nexhat Behluli, të cilët po akuzohen për pjesëmarrje në luftën e Sirisë përkrah organizatës terroriste “Al-Nusra”, kanë pranuar fajësinë të mërkurën në Gjykatën Themelore të Prishtinës.
Koha Ditore shkruan se ndaj tyre Prokuroria ka ngritur aktakuzë muajin e kaluar. Gjatë seancës fillestare, të dy të akuzuarit kanë thënë se janë të vetëdijshëm për veprimet që i kanë bërë, sado që vullnetarisht ishin larguar nga Siria, duke mos u pajtuar me rrjedhat brenda kësaj organizate. I akuzuari Livoreka është banor i komunës së Kaçanikut, kurse Behluli banor i komunës së Ferizajt.
“E pranoj fajësinë, pa presion, me vullnet dhe në konsultim me avokatin”, ka thënë Livoreka, pas leximit të aktakuzës. Njësoj është shprehur edhe i akuzuari tjetër, Behluli.
Të dy avokatët e të akuzuarve kërkuan që gjykata t’i ketë parasysh rrethanat lehtësuese ndaj tyre me rastin e shqiptimit të dënimit.