Një aksident i rëndë ka ndodhur këtë të hënë në Tiranë pranë rrugës Eshref Frashëri, në njërin nga pallatet e zonës.
Një i moshuar, i identifikuar si shtetasi me inicialet F.S, ka rënë nga lartësia e katit të gjashtë të pallatit ku banonte, duke gjetur vdekjen e menjëhershme.
NJOFTIMI I POLICISË
Më datë 25.06.2018, rreth orës 04:00, në rrugën “Eshref Frasheri”, nga kati i 6- të i banesës dyshohet të ketë rënë aksidentalisht nga lartësia, shtetasi F. S., 90 vjeç, banues në Tiranë, i cili ka gjetur vdekjen. Materialet u referuan në Prokurori pranë Gjykatës së Shkallës Parë Tiranë, për vlerësim.
