Një shtetas i shpallur në kërkim ndërkombëtar u arrestua në pikën e kalimit kufitar Qafë-Thanë.
Musli Haliti, 44 vjeç, banues në fshatin Dobroshtë të Tetovës, është në kërkim nga Interpol Roma, për veprat penale “Shfrytëzim prostitucioni” dhe “Rrëmbim personi”.
“Arrestimi i tij u bë në hyrje të Pikës së Kalimit Kufitar Qafë-Thanë, sepse gjatë verifikimit të dokumentacionit në sistem, shtetasi i mësipërm rezultoi i shpallur në kërkim ndërkombëtar pasi Gjykata e Monzës në Itali, me vendim penal nr 316/2001 E.S datë 04.06.2001, ka caktuar masën e sigurisë “Arrest me burg” për kryerjen e veprave penale “Shfrytëzim Prostitucioni” dhe “Rrëmbim personi” parashikuar nga Kodi Penal Italian”, sqaron policia lokale.
Për veprime të mëtejshme, u njoftua zyra e Interpol Tirana me qëllim ekstradimin e këtij shtetasi drejt Italisë.
