I akuzuar për korrupsion, dosja e gjykatësit Shkëlqim Miri kalon për gjykim

667
Sigal

Gjykata për Krimet e Rënda kalon për gjykim dosjen penale në ngarkim të Shkëlqim Mirit, gjyqtarit të Apelit Tiranë. Në seancën paraprake avokati i Mirit ka kërkuar gjykim të shkurtuar, kërkesë për të cilën shprehet gjykata që do shqyrtojë dosjen në themel.

Gjyqtari Shkëlqim Miri i akuzuar për korrupsion në shkurt të këtij viti kërkoi lirinë në Gjykatën e Apelin, por kërkesa e tij u refuzua. Miri ankimoi vendimin e mëparshëm në Apel, duke kërkuar lirin për arsye shëndetësore.

Gjyqtari i Apelit Tiranë, Shkëlqim Miri, u arrestua më 10 nëntor nën akuzat për korrupsion. Ndaj tij rëndon akuza se ka marrë ryshfet 30 mijë euro në këmbim të një vendimi më të favorshëm ndaj Gentian Dodës i akuzuar për vrasje në vitin 1997.

Kujtojmë se nga kontrolli në banesë, policia gjeti rreth 300 milionë lekë të vjetra. Për këtë shumë gjyqtari Miri ishte shprehur se ishin para të një mikut të tij që do të blinte një pronë në Tiranë, ndërsa pjesa tjetër qenë kursime nga paga.