Një megaoperacion i antimafias italiane ka çuar sot në ekzekutimin e urdhër arrestimeve ndaj 25 personave me akuzën e trafikut ndërkombëtar të drogës për llogari të klanit mafioz të Ndranghetas Mancusi di Limbadi.
Mes të arrestuarve është dhe një femër shqiptare Elisabeta Kotja 40 vjeç, e kosideruar një trafikante droge e nivelit të lartë.
Operacion antimafia i koduar “Obsesioni” është shtrirë në rajonet e Kalabrisë, Lombardisë e Puglias duke zbardhur një trafik të madh lëndësh narkotike nga Kolumbia, Venezuela, Republika Domenikane e Hollanda drejt Italisë dhe Evropës.
Sasi të konsideruehsme kokaine, marijuane e hashashi bliheshin drejtpërdrejtë nga trafikantët e drogës në Amerikën Jugore e më pas shpërndahej e shitej në territorin italian.
Një rol të rëndësishëm në këtë trafik droge luanin gratë të konsideruar kokat lidhëse të këtij trafiku.
Në raportin e Antimafias italiane thuhet se shqiptarja Elisabeta Kotja lindur në Shqipëri më 19.09.1979 konsiderohet si një ndërmjetëse e nivelit të lartë me eksponentët e kartelave të drogës në Amerikën Latine.
Mes të arrestuarve janë dhe dy femra venezuelase të njohura në panoramën e trafikut ndërkombëtar të drogës; Garcia Rebolledo Clara Ines e Forgione Gina.
Një nga të arestuarit është dhe kolumbiani Murillo Figueroa Julio Andres, një trafikant mjaft i njohur droge që në të shkuarën ka bashkëpunuar me superbosin e kokainës Pablo Escobar, kreu i kartelit Medellin në Kolumbi.
Hetimet prej dy vitesh të antimafias italiane kanë zbardhur një sipërmarrje të vërtetë krimi në trafikun e drogës në nivel ndërkombëtar.
Janë sekuestruar mbi 3000 kg hashash që ka mundur t’i sjell klanve të Ndranghetas një përfitim prej 4-5 milionë euro që më pas investoheshin në trafikun e kokainës.
Për mbrojtjen e aktivitetit të tyre të drogës, përdornin dhe armët dokumentuar nga hetimet e antimafias të cilat kanë zbardhur rolin e italianit Cuccia Carlo, nga Kalabria, një aktor i dorës së dytë në serinë televizive Gomorra, me detyrën e gjetjes së armëve që viheshin në dispozicion të anëtarëve të këtij organizimi kriminal.
Bashkëpunimi në nivel ndërkombëtar me grupe trafikantësh nga Amerika e Jugut, Hollanda, Afrika e Veriut e Spanja, ka bërë që mafia kalabreze të shtrirë territorin e influencës së saj në trafikun e lëndëve narkotike në të gjithë Evropën duke rritur biznesin e fitimeve të cilat i investonte në sektorë të ndryshëm të ekonomisë.
25 personat e arrestuar me akuzën e trafikut ndërkombëtar të drogës, pjesëmarrje në organizim të strukturuar mafioz e armëmbajtje pa leje janë:
1. ACCURSIO Giuseppe, lindur në Licata (AG) il 28.05.1953;
2. AQUILANO Damiano, lindur në Tropea (VV) il 07.08.1984;
3. BOSCO Daniele, lindur nëJugoslavia (EE) il 01.12.1977;
4. BOSCO Vito Jordan, lindur në Libia il 07.05.1975;
5. CAMPISI Giuseppe, lindur në Vibo Valentia il 20.01.1960;
6. CARUGO Gianfranco, lindur në Cerro Maggiore (MI) il 29.05.1949;
7. CUCCIA Carlo, lindur në Tradate (VA) il 12.07.1980;
8. FORGIONE Gina Alessandra, lindur në Venezuela (EE);
9. GARCIA REBOLLEDO Clara Ines, lindur në Venezuela (EE) il 27.10.1951;
10. KOTJA Elisabeta, lindur në Shqipëri (EE) il 19.09.1979;
11. LIMARDO Maria Antonia, lindur në Briatico (VV) il 28.01.1965;
12. MANCUSO Francesco, lindur në nato a Vibo Valentia il 07.01.1989;
13. MARIANI Giorgio, lindur në Genga (AN) il 31.03.1958;
14. MENDOLICCHIO Luigi, lindur në Milano il 12.08.1965;
15. MENOTTA Ivo, lindur në Tradate (VA) il 12.02.1980;
16. MURILLO FIGUEROA Julio Andres, lindur në Colombia il 29.03.1975;
17. MUSCIA Gaetano, lindur në Tropea (VV) il 20.04.1964;
18. NARCISO Antonio, lindur në Vibo Valentia il 19.08.1961;
19. PAPAIANNI Gennaro, lindur në Vibo Valentia il 14.02.1976;
20. PAPANDREA Salvatore, lindur në Taurianova (RC) il 16.08.1946;
21. PILATI Fabrizio, lindur në Arona (NO) il 14.01.1969;
22. SAFINE Abderrahim, lindur në Marocco (EE) il 17.01.1982;
23. SCAGLIONE Francesco, lindur nëalermo il 23.07.1960;
24. STILO Giovanni, lindur në Nicotera (VV) il 04.01.1949;
25. VISCOTTI Michele, lindur nëSan Severo (FG) il 23.04.1946.
