Një aksident me pasojë vdekjen e një personi dhe plagosjen e një tjetri është regjistruar mëngjesin e sotëm në aksin rrugor Gjirokastër-Tepelenë.
Ngjarja ka ndodhur në Virua, ku një automjet tip ‘Mercedes Benz’ me targa AA976OX ka dalë nga rruga dhe ka rënë rreth 3 metra poshtë rrugës.
Nga aksidenti ka mbetur i plagosur dhe një person tjetër që udhëtonte në mjet, i cili është dërguar me urgjencë drejt spitalit për ndihmë mjekësore.
Policia nuk ka mundur të bëjë identifikimin e viktimës dhe as të plagosurit pasi nuk kanë pasur asnjë mjet identifikimi me vete ndërkohë nga verifikimi i targave makina rezulton në pronësi të Sokol Lushajt.
Policia mbërriti menjëherë në vendin e ngjarjes dhe po punon për të zbardhur shkaqet e aksidentit.
Nga hetimet paraprake, dyshohet se drejtuesi i mjetit ka humbur kontrollin e makinës, duke e nxjerrë atë jashtë rrugës.
