Drejtues te policise dhe efektiva te unfiromave blu po bejne homazhe ne nder te kolegut te tyre Ervin Haxhiaj, 41 – vjecari që mbeti viktimë e një aksidenti të rëndë mbrëmjen e djeshme në Bulevardin “Blu” në Kamëz.
Arkivoli me trupin pajetë të efektivit të policisë mbuluar me flamurin kuqezi është vendosur në ambjentet e komisariatit numër 5, ku ka shërbyer për disa vite.
Policia bëri të ditur sot se Mjeti tip “Lexus” me drejtues shtetasin Arnold Kola, 22 vjeç, duke udhetuar nga qendra e Kamzës në drejtim të Institutit, ka goditur mjetin e Policisë i cili ka qënë në patrullim në të njejtin sens lëvizje. Si pasojë e kësaj goditje ka ardhur dëmtimi i 3 punonjësve të policisë që kanë qënë në mjet, ndërsa Ervin Haxhiaj, 41 vjeç, ndërroi jetë në spitalin e Traumës.
Drejtuesi i mjetit tip “Lexus” shtetasi Arnold Kola, ka rezultuar nën ndikimin e alkoolit . Ai është arrestuar në flagrancë.