Emri/ Kush është policja e arrestuar në Tiranë që pagoi për legalizimin (Foto)

463
Një ditë më parë, Prokuroria e Tiranës njoftoi se ka urdhëruar ndalimin e 4 personave, 3 prej të cilëve zyrtarë publikë, pasi dyshohen për korrupsion. “BalkanWeb” mëson se në mesin e personave të ndaluar është edhe punonjësja e policisë Klea Sala (në foto), e cila punonte në sallën operative të policisë në Tiranë.
Ajo është ndaluar ditën e djeshme bashke me 2 zyrtarët e tjerë, pak ore pasi kishte marrë lejen e legalizimit nga ALUIZNI kundrejt një shume prej 6 mijë eurosh që kishte paguar përmes sekserit për 2 zyrtarët e ALUIZNI-t e Hipotekës.
Në bazë të veprimeve proceduriale të kryera nga Prokuroria e Tiranës, nisur nga informacioni i referuar nga Drejtoria Vendore e Policisë së Shtetit, rezulton se:

Shtetasja M.S. ka aplikuar për lejen e legalizimit të një ndërtimi pa leje, në zyrat e ALUIZNI-t, Tiranë, në vitin 2014. Prej asaj kohe, ajo nuk ka marrë asnjë përgjigje për aplikimin e saj.
Për t’u interesuar për ecurinë e aplikimit, është interesuar vazhdimisht edhe vajza e aplikueses, shtetasja K. Sala, e cila është efektive në Drejtorinë Vendore të Policisë Tiranë, në sallën operative.
Kjo e fundit është njohur me shtetasen S.Musallaj, e cila i ka siguruar se kishte njohjet e duhura për të mbaruar punën me dokumentat.
S. Musallaj ka vendosur kontaktet ndërmjet të interesuarës, K. Sala dhe një punonjësve të Hipotekës së Tiranës, B. Belli. Kjo e fundit, pasi ka konsultuar letrat e aplikimit të bëra nga nëna e K.Salës, ka thënë se nuk ishte punë që e mbulonte institucioni i saj (Hipoteka). Gjithësesi, punonjësja e Hipotekës i ka thënë të interesuarës se kishte një mikun e saj te ALUIZNI-i i Tiranës, dega Laprakë, e konkretisht, shtetasin M.Bezhani.
Pas disa komunikimeve ndërmjet personave të mësipërm, është rënë dakord që e interesuara, shtetasja K.Sala, të paguante shumën prej 6 mijë eurosh tek shefi i ALUIZNI-t për Laprakën, M. Bezhani.
Shuma e parave, në formë rryshfeti, është dorëzuar nga shtetasja K.Sala tek punonjësja e Hipotekës, B.Belli, ditën e djeshme (dt. 12.11.2017).
Shtetasja B. Belli është takuar pasditën e së dielës me shtetasin M. Bezhani, duke i dorëzuar shumën e parave.
Në vijim të kësaj “pagese”, ditën e sotme (dt. 13.11.2017), aplikuesja K.Sala ka marrë lejen e legalizimit në bazë të aplikimit të kryer nga nëna e saj në vitin 2014.
Prokuroria e Tiranës ka qenë në ndjekje dinamike të kësaj situate dhe, pasditen e sotme, ka kryer ndalimet e shtetasve, si më poshtë:
– K. Sala, punonjësve policie (aplikante)
– B. Belli, punonjëse e ZVRPP (Hipoteka) Tiranë
– M. Bezhani, përgjegjës zyre ALUIZNI, Laprakë, Tiranë
– S. Musallaj.
Sigal