Një aksident me pasojë vdekje ka ndodhur sot në Rrugën e Kombit. Mësohet se një trajler është përmbysur dhe për pasojë ka humbur jetën drejtuesi i mjetit. “BalkanWeb” mëson se bëhet fjalë për shtetasin Nikol Gjoni, 42 vjeç.
Ngjarja e rëndë ndodhi në afërsi të fshatit Kolsh. Ndërkohë, qarkullimi i mjeteve në aksin Kukës-Tiranë është bllokuar.
Deri më tani nuk dihen rrethanat e aksidentit si dhe identiteti i drejtusit të mjetit. Ndërkohë, policia ndodhet në vendin e ngjarjes dhe po punon për zbardhjen e shkaqeve si dhe zhbllokimin e trafikut në rrugë.
