Detaje të reja kanë dalë në dritë në lidhje me plagosjen e pronarit të një lokali në Laç mbrëmjen e djeshme. Burimet e mbrëndshme bëjn me dije se kanë zbuluar se ishin 4 të rinj ata që shkuan në lokalin e Rudolf Tomës me një automjet tip “Benz”.
Të njëjtat burime bëjnë me dije se 4 të rinjtë u konfliktuan me pronarin brenda lokalit dhe më pas një prej tyre nxorri armën dhe qëlloi mbi Tomën.
Ende nuk dihet nëse bëhet fjalë për një konflikt çasti apo të hershëm ndërkohë Rudolf Toma ndodhet në spitalin e Traumës në gjendje të rëndë
Ngjarja ndodhi mbrëmë
Laç – Me datë 07.09.2017 , rreth orës 22:15 , është marrë njoftim se në lagjen Nr.3 Laç, ka ndodhur një plagosje me armë zjarri.
Menjëherë në vendngjarje kanë mbërritur shërbimet policore që kanë konstatuar se ka mbetur i plagosur shtetasi R.T. 32 vjeç, i cili ndodhet në Spitalin e Traumës në Tiranë, nën kujdesin e mjekëve.
Janë ngritur pika kontrolli si dhe po bëhet krehja e zones me qëllim kapjen e autorëve të dyshuar.
Grupi hetimor në bashkëpunim me Prokurorinë e Rrethit Gjyqësor Kurbin po vazhdojnë hetimet për zbardhjen e plotë të ngjarjes.
