Degjeneron sherri në shkollë, plagoset me thikë një 14-vjeçar

118
Një 14-vjeçar është plagosur pas një sherri me thika me bashkëmoshatarin e tij në ambientet e një shkolle 9-vjeçare në Korçë.
“Më datë 07.11.2017, jemi njoftuar se në Spitalin Rajonal të Korçës, ka shkuar i plagosur me mjet të mprehtë (thikë) shtetasi D.D, 14 vjeç,” shkruhet në njoftimin e policisë.
Nga të dhënat paraprake rezulton se ky shtetas është konfliktuar me një shtetas tjetër, në brendësi të ambjenteve të një shkolle 9-vjeçare në Korçë, në të cilën ishin të dy nxënës.
I riu aktualisht po merr mjekim dhe ndodhet jashtë rrezikut për jetën. Nga ana e Policisë, është identifikuar autori i dyshuar i kësaj ngjarje dhe po punohet për kapjen e tij.