Një aksident me pasoja të lehta në njerëz ka ndodhur disa minuta më parë hyrje të qytetit të Librazhdit.
Një makinë e tipit “Benz” në ngjyrë gri me targa “TR 1946 R” ka qenë duke udhëtuar me shpejtësi të madhe dhe ka humbur kontrollin duke goditur si fillim parmakët e një karburanti në krahun tjetër të karrexhatës, duke përfunduar kështu poshtë një traileri me targa turke “34 VA 2181” që gjendej në karburant.
Brenda Benzit gjendeshin 4 persona, 3 prej të cilave femra dhe një burrë rreth të 60-tave i cili ishte drejtuesi i automjetit.Dy prej grave që gjendeshin brenda në makinë pësuan çarje dhe shembje në pjesë të ndryshme të trupit, por fatmirësisht gjenden jashtë rrezikut për jetën.
Gjithashtu shoferi i “Benz-it” pësoi dëmtime të lehta si çarje nëpër duar edhe fytyrë, por edhe ky i fundit gjendet jashtë rrezikut për jetën.
Ambulanca u gjend menjëherë në vendngjarje dhe të plagosurit janë trasnportuar për në spitalin e Librazhdit.
