Eugen Bitraj, 24-vjeçari që u arrestua sot nga Policia për vrasjen e Marzi Mihalit, dyshohet se e ka flakur në Lanë, thikën e krimit. Policia është duke kërkuar në lumë, provën, ndërkohë Bitraj dhe tre shokët e tij gjenden në qeli.
Krimi ndodhi mbrëmjen e së hënës, rreth orës 23.30 në rrugën ” Gjin Bue Shpata”. Një sherr për një karikues celulari mes Mihalit dhe një grupi moshatarësh të tij ku gjendej edhe Bitraj, ka përfunduar me vdekjen e të parit.
Policia e arrestoi 24-vjeçarin Eugen Bitraj, banues në Tiranë si autor të krimit si dhe 3 shtetas të tjerë bashkëpunëtorë në krim: Dejvi Bitraj,19 vjeç, banues në Tiranë, Kridens Alla,19 vjeç, banues Tiranë dhe Marsel Alla, 23 vjeç, banues Tiranë.
Si ndodhi ngjarja
Viktima ishte grindur për motive të dobëta , siç njoftoi Policia, me 19-vjeçarin D.B. Në ndihmë të D.B, ka ardhur kushëriri i tij, E. B. së bashku me dy shokë, K. A. dhe M.A.
Gjatë konfliktit, E.B. ka nxjerrë thikën dhe e ka goditur shtetasin M. M., i cili për pasojë ka gjetur vdekjen në spital.
Si rezultat i reagimit të shpejtë e profesionl të shërbimeve të policisë së Drejtorisë Vendore të Policisë Tiranë është bërë e mundur zbardhja në kohë reale e ngjarjes, kapja dhe shoqërimi i gjithë personave të përfshirë në konflikt.
Në përfundim të veprimeve të para hetimore është bërë arrestimi si autor i ngjarjes i shtetasit: Eugen Bitraj, 24 vjeç, banues në Tiranë.
Si dhe janë arrestuar si bashkëpunëtorë në krim shtetasit: Dejvi Bitraj,19 vjeç, banues në Tiranë, Kridens Alla,19 vjeç, banues Tiranë dhe Marsel Alla, 23 vjeç, banues Tiranë.
Materialet u referuan në Prokurori, në ngarkim të shtetasve të mësipërm, për veprën penale të “Vrasjes me Dashje e kryer në bashkëpunim “ parashikuar nga nenet 76 dhe 25 e Kodit Penal.
