Arrestohet shqiptari, iu gjet 18 kg kokainë në motorrin e frigoriferit dhe 3 armë

134

Shtetasi shqiptar Ermal Keci, 39 vjeç ka rënë në prangat e policisë italiane.

Pas një kontrolli në banesën e tij, të marrë me qera prej 2 javësh në komunën Seriate në provincën e Bergamos, iu gjetën rreth 18 kg kokainë, 8 kg hashash, 4 kg marijuanë e 10 gramë heroinë.

Droga e sekuestruar kap vlerën e 3 milionë eurove.

Kokaina u gjet e fshehur në motorrin e frigoriferit për përdorim shtëpiak.

Në banesë u gjetën dhe 3 armë: një pistoletë Berreta e kalibrit 6.35, një pistoletë e fabrikkmit rus e tipit Tokarev kalibër 7,62 e një  tjetër armë zjarri.

Lëvizjet e shumta  të personave të dyshimtë kanë çuar policinë e italiane në kontrollin 39 vjeçarit shqiptar e të banesës së tij.

Autoritetet italiane kanë nisur hetimin mbi prejardhjen e lëndës narkotike të sekuestruar e për zbardhjen bashkëpunëtorëve të shqiptarit.