Në mbarë vendin vijon aksioni i policisë kundër veprimtarisë së paligjshme. Së fundmi, uniformat blu kanë evidentuar 37 raste të ndërtimeve pa leje, dhe janë arrestuar në flagrancë 4 persona. Në të dhënat e bërë publike nga Policia, po hetohen në gjendje të lirë 28 persona, ndërsa 5 të tjerë janë shpallur në kërkim.
Ndërkaq, aksioni i policisë ka vijuar edhe kundër prerjes së paligjshme të pyjeve. Në këtë fushë janë evidentuar 7 raste, ndërsa janë arrestuar në flagrancë dy persona.
Uniformat blu kanë evidentuar edhe 14 raste të ushtrimit të aktivitetit të lotarive të paligjshme, ndërsa autorët po ndiqen në gjendje të lirë.
