Arratisja e të kërkuarit, lirohen dy efektivët e komisariatit nr.3

57
Janë liruar dy efektivët e komisariatit numër 3 të Tiranës, të arrestuar së fundmi për arratisjen e një të kërkuari nga ambjentet e kësaj strukture. Në seancën e kësaj të premteje, gjykata e Tiranës ka vendosur për Bajram Elezin dhe Arsela Hajdinajn masën e sigurisë “detyrim paraqitjeje”. Elezi dhe Hadinaj u arrestuan tre ditë më parë pas arratisjes së shtetasit Bledar Zefi nga ambjentet e komisariatit ku punonin. Do të jenë hetime të mëtejshme që do të përcaktojnë nëse ata kanë shpërdoruar detyrën. 26-vjeçari Zefi, i vënë në pranga nga forcat operacionale herët në mëngjesin e së martës, arriti të largohej nga komisariati vetëm dy orë pas arrestimit. Ai rezultonte i dënuar nga një gjykate italiane për grabitje me armë dhe ishte në kërkim ndërkombëtar.