Një aksident rrugor ka ndodhur në Tepelenë, pranë zonës së Ujit të Ftohtë. Burimet zyrtare bëjnë me dije paraprakisht se 1 person është i plagosur në gjendje të rëndë dhe 1 tjetër ka ndërruar jetë. I lënduari u dërgua në spitalin rajonal për të marrë ndihmën mjekësore. Policia ndodhet në vendin e ngjarjes dhe po heton për shkaqet e aksidentit, pas përplasjes së dy makinave. Emrat e të aksidentuarve nuk dihen ende.
