Një punëtor shqiptar në Castelmella, Itali, ka pësuar një aksident të rëndë, teksa punonte në brendësi të një banese private. Një pllakë e rëndë mermeri i ka rënë përsipër, duke i shkaktuar dëmtime të shumta në kokë e krahë. Për fat të mirë, nuk e humbi vetëdijen dhe nuk është në rrezik jete.
Shqiptari, emri i të cilit nuk është bërë i ditur, është 38 vjeç dhe rezident në Montichiari, dhe po punonte me montimin e disa mobiljeve në banesë. Vetëm pak orë më parë, një tjetër firmë kishte montuar pllakat e mermerit.
Ajo që i ra sipër me sa duket ka qenë e montuar keq. Karabinierët dhe autoritetet e ndërtimeve po punojnë për zbardhjen e dinamikës, duke marrë në pyetje të zotët e shtëpisë.
Punëtoi 38-vjeçar mbërriti në spital gjysmë ore më pas, në gjendje të rëndë, për shkak të plagëve të marra, por pa qenë kurrë në rrezik jete. Ai është titullar i një firme të vogël, bashkë me vëllanë e tij.
