Një aksident i rëndë është shënuar pranë Doganës së Morinës.
Një kamion është përplasur me trafikndarësen, ndërsa mësohet se drejtuesi i mjetit ndodhet në gjendje të rëndë në spitalin e Kukësit. Sipas informacioneve nga vendi i ngjarjes kamioni me targa Kosove është përplasur me trafikndarësen.
Drejtuesi i mjetit identiteti i të cilit ende nuk bëhet i ditur është në gjendje të rëndë shëndetësore. Kamioni me targa Kosove ishte duke transportuar qymyr.
Drejtuesi është transportuar me urgjencë drejtë spitalit të Kukësit ndërkohë që në vendngjarje ka mbërritur grupi hetimor për të bërë zbardhjen e plotë të ngjarjes.
