Kanë mbërritur në Gjykatën e Durrësit rreth orës 10:00 7 të miturit që janë arrestuar për përdhunimin e vajzës 13-vjeçare në Kavajë, në shkollën ”Rilindja”.
Seanca për masën e arrestit po zhvillohet me dyer të mbyllura, ndërsa jashtë Gjykatës ka pasur dhe një prani të madhe të familjarëve.
Prindërit jashtë kanë qenë mjaft të acaruar dhe kanë debatuar edhe me mediat e pranishme, duke thënë se fëmijët e tyre janë të mitur, dhe duhet të mbahen jashtë vëmendjes së kamerave.
Raportohet se babai i një prej fëmijëve ka përdorur sharje dhe kërcënime në drejtim të tyre.
Një prej familjarëve ka kaluar dhe gjendje të fikti.
Akuza që rëndon ndaj të rinjve është ajo e abuzimit seksual me anë të shantazhit, duke përdorur një video intime që kishte realizuar me partnerin e saj 13 vjecarja.
Kujtojmë se kjo është një nga ngjarjet më të rënda të ndodhura së fundi, ku shteti jo vetëm që nuk ka vepruar, por është bërë palë me fshehjen e ngjarjes. Ende sot nuk ka një reagim nga ana e policisë për këtë ngjarje të rëndë.
Të mos ishte denoncimi i ish-kryeministrit Sali Berisha, ende sot vajza 13-vjeçare do të ishte nën presion për të heshtur pavarësisht terrorit që i është dashur që të kalojë.
Pavarësisht arrestimit të të rinjve, derimë tani nuk ka pasur asnjë arrestim në radhët e drejtuesve të shkollës, apo të zyrës arsimore në Kavajë.
Ora 13:00 Gjykata jep masën e arrestit me burg për të 7 të arrestuarit
Gjykata e Durrësit ka dhënë masën arrest me burg për 7 të miturit, që në bashkëpunim me njëri tjetrin kishin kryer marrëdhënie seksuale me vajzën e mitur. 2 prej tyre kanë pranuar akuzat në sallën e gjyqit.
Akuza që rëndon mbi të miturit është “marrëdhënie seksuale me të mitur”!
Video ku një prej familjareve i bie të vikët
