Zbulohet rrjeti i prostitucionit nga Shqipëria në Maqedoni

722
Sigal

Shoqata kërkon vajza për sekretare, por i punëson  prostituta në Maqedoni

Fiks Fare zbulon rrjetin e prostitucionit. Si mashtrohen vajzat e reja shqiptare për të punuar prostituta

Nën emrin e një shoqate artistike, disa persona kërkojnë të punësojnë vajza të reja si sekretare nëpërmjet njoftimeve on line dhe më pas rekrutoheshin si prostituta në lokale nate në një qytet të Maqedonisë. Gazetarë të “Fiks Fare” kanë zbuluar këtë rrjet prostitucioni dhe tregojnë me fakte sesi rekrutohen vajzat e reja, si kalonin në kufi nën logon e një shoqate artistike e më pas punonin si punëtore seksi në lokale. Shoqata artistike “Ferdinand Deda ” me seli në Tiranë mashtronte me vendet e punës, të cilat reklamonte, ndërsa në të vërtetë ajo rekrutonte punonjëse seksi nëpërmjet njoftimeve online të punësimit. Shoqata kërkonte të punësonte vajza të reja si sekretare, ndërkohë ato në të vërtetë rekrutoheshin për punonjëse seksi. Vajzat pasi njoftoheshin për pozicionin e punës atyre më pas iu bëhej e qartë puna që duhet të bënin. Pas një denoncimi në redaksinë e “Fiks Fare” se shoqata artistike ” Ferdinand Deda” kërkonte sekretare, por në fakt mashtronte, pasi në të vërtet puna ishte si prostitutë, “Fiks Fare” nisi një investigim. Gazetarja fillimisht telefonoi në numrin që kjo shoqatë kishte vënë në dispozicion në një portal punësimi online. Në telefon përgjigjja erdhi nga Shpëtimi, kryetari i kësaj shoqate, i cili menjëherë shprehu se ishte i interesuar për punonjëse dhe shpjegoi shkurtimisht pozicionin e punës. Kriter për të fituar atë vend pune, sipas tij, ishte paraqitja e jashtme. Shpëtimi tha, se kjo shoqatë menaxhonte një arenë artistike dhe se puna ishte në Maqedoni. Ai kërkoi edhe vajza të tjera duke thënë se kishte nevojë për staf, sipas tij vajzat duhet të ishin të paraqitshme dhe pa impenjime familjare. “ Nëse je pa impenjime është koha që ti të bësh lekë. 1200 euro rrogë bazë, 40 euro çdo mbrëmje plus bakshishe. Po të jesh gocë e zgjuar merr 70, 80 euro bakshish” shprehet Shpëtimi. “Fiks Fare” realizoi më pas një takim me kryetarin e shoqatës në një nga baret e kryeqytetit, ku pas këtij takimi gazetarja e fitoi menjëherë pozicionin e punës. Përveç pagës së majme prej 1200 eurosh, ai i shpjegon se, nëse ajo do të ishte e shkathët do të kishte bakshishe të majme që mund të arrinin deri në 80 euro në ditë. Madje Shpëtimi i propozoi gazetares së “Fiksit” të niseshim menjëherë për Maqedoni, pasi iu duk e përshtatshme dhe mjaft e shkathët për punën. Përpos këtyre ajo kishte dhe forma shumë të mira fizike, siç shprehet kryetari shoqatës. Ai i tregon gjithashtu se në Tetovë të Maqedonisë klientët shpenzojnë shuma të mëdha parash për femrat, madje kanë arritur edhe në 10 mijë euro. Shpëtimi i shpjegon gazetares se mban vulën dhe vendimin e gjykatës si kryetar i shoqatës “Ferdinand Deda” dhe së gjithashtu është punonjës i cirkut. Këtë fakt ai e përdor edhe në doganë për mos pasur probleme në kalimet e shumta që bën me femra të ndryshme. Pas takimit me kryetarin e shoqatës, gazetarja niset të nesërmen në Maqedoni së bashku me dy vajza të tjera që ishin prej kohësh punonjëse të lokalit. Në doganën e Morinës, Shpëtimi i shpreh policit kufitar, se janë punonjës të cirkut dhe se po shkojnë për shfaqe artistike. Gjatë udhëtimit për Tetovë vajzat i shpjegojnë gazetares së “Fiksit” se si punohet dhe si mund të fitosh më shumë para. Njëra nga punonjëset i thotë, se klienti duhet mbajtur gjatë që ai të vijë më shpesh në lokal, dhe mos të kërkojë vajza të tjera dhe, nëse ndonjë klient të ofron shumë para mund të shkosh me të. Por ato shprehen se më të detajuara rregullat e lojës do ia shpjegonin gazetares vetë pronarët e lokalit dhe hotelit ku do të shkonin. Përgjegjësja e vajzave kishte mbi 7 muaj qëndrimi në Maqedoni, por me ndihmën e pronarëve kishte arritur ta rregullonte qëndrimin e gjatë në Maqedoni dhe të hynte e dilte sa herë që të donte. Ndërkohë ajo nuk harron të këshillojë gazetaren e “Fiksit” se nuk duhet të tregonte në doganë se çfarë pune bën realisht. Pas mbërritjes në Tetovë, gazetarja akomodohet te shtëpia ku banojnë të gjitha punonjëset e lokalit, dhe një pjesë prej tyre i kishte sjellë Shpëtimi i ‘shoqatës artistike’. Njëra nga vajzat i tregoi gazetares se edhe ajo kishte rënë pre e këtij mashtrimi nga ana e Shpëtimit, pasi ajo në të vërtetë ishte në kërkim të një pune si parukiere. Realitetin dhe punën e vërtetë e kishte kuptuar vetëm kur kishte mbërritur në Maqedoni. Në mbrëmje të gjitha vajzat pasi u përgatitën me veshje provokuese iu drejtuan lokalit ku zhvillohej aktiviteti.  Pasi lokali u mbush me klientë, të gjitha vajzat duhet të qëndronin pranë tyre dhe të kënaqnin klientët në mënyrë që ata t’iu ofronin pije. Gazetari i “Fiksit”, i cili shkoi në lokal si klient bisedoi me pronarin, nëse mund të merrte ndonjë nga vajzat për të kaluar natën. Ai iu shpreh se kjo bëhej kundrejt pagesës prej 50 euro.

Telefonata me kryetarin e shoqatës “Ferdinand Deda”

Kryetari i shoqatës – Alo

Fiksi – Alo përshëndetje, më falni për shqetësimin. Unë pashë njoftimin e punës, dhe doja të dija nëse është akoma i lirë. Nëse mund të bëj një intervistë pune.

Kryetari i shoqatës – Po, dëgjo ta shpjegoj kështu konkretisht mund të bindesh, domethënë ta sqaroj paraprakisht. Duhet të jesh pa angazhime njëherë, puna parë.

Fiksi – Pa angazhime jam, 26 ( vjeç).

Kryetari i shoqatës – Po je 26 ti ke kohën të bësh lekë, dhe ne kemi një mundësi shumë të mirë tani. Jemi shoqatë artistike, menaxhojmë një arenë kulturore, menaxhojmë këto, jemi në lëvizje. Ti mund të marrësh edhe ndonjë shoqe që kuptohet të jetë me tipare të paraqitshme. Ne mund të jemi direkt për punë, mund të ikim dhe nesër ose pasnesër te arena që e menaxhon shoqata jonë. 1200 euro rrogë bazë, 40 euro çdo mbrëmje plus bakshishe. Po të jesh gocë e zgjuar merr 70, 80 euro bakshish. Por nuk është këtu në Tiranë.

Fiksi – E kuptoj.

Kryetari i shoqatës – Është në Maqedoni, që i menaxhojmë ne është arenë e madhe që e menaxhojmë ne. Është lokal me muzikë live. E ka puna fjetjen edhe darkën e ka puna. Ju jeni vajza imazh, shoqëroni këngëtaren në sallë. E grimuar e rregulluar. Faqen “ Shoqata Artistike Kulturore Ferdinand Deda” shihe kush është. Prestigjiator, artist 25 vite në skenë, që i menaxhoj këto punë.

Fiksi – E kuptoj. Mirë atëherë, super, do ta lëmë për nesër.

Takimi i parë

Kryetari i shoqatës – Se je e bukur. Atje puna është me sezone. Tani ka bakshishe. Rrogën e keni të mirë, 1200 euro. Rrogën e keni çdo natë. Domethënë 25 ditë paguhesh 40 euro çdo mbrëmje.

Fiksi – Si punë është vetëm një muaj apo…

Kryetari i shoqatës – Jo është tërë kohën ajo. Ti bën kontratë të mirë, se unë e shoh që ti e bën këtë punë, po do mbash pak dietë.

Fiksi – Si pagesë mua më intereson, nuk është e keqe. Vetëm dua të di kushtet, në kuptimin sa veta do rrimë në një shtëpi.

Kryetari i shoqatës – Numra shpejtësie. Ti aty ke një shans të mirë, se ti ke komunikimin. Të jesh e zgjuar, të kesh mysafirë, dhe për çdo pije merr një byzylyk në dorë. Çdo byzylyk ka 3.5 euro që e merr ti bakshish, plus rrogës.

Fiksi – Se unë s’po e kuptoj, duhet të jemi shoqëruese, që shoqëron klientin?

Kryetari i shoqatës – Jo, jo nuk ulesh. Unë kam dëshirë të të respektoj ty, i them kamerierit një pije çoja ….. Këto janë bakshishe ekstra plus rrogës.

Fiksi – E kuptova.

Kryetari i shoqatës – Duhet të vishesh seksi, është lokal i mirë, një ujë bën 5 euro atje. Është lokal bosash atje. Ti merr lekët, xhiroi. Kam qenë unë para dy vitesh hodhi njëri 10 mijë euro, tjetri 5 mijë euro. Ti ke për të bërë lekë! Një vakt bukë e keni pa pagesë. Merrni rrogën, merrni bakshishin dhe hani darkë gjithë stafi. Gjë e mirë se atje të ftojnë, këpute, mirë zemra me stil, taaak qethe. Puna jote private. Nesër flas me atë gocën tjetër, i thashë dhe për ty është një gocë tjetër, të dyja ju, unë tre, kam një makinë të vogël, me atë do ikim i biem këtej nga Prizreni.

Fiksi – Në ç’a qyteti është lokali?

Kryetari i shoqatës – Në Tetovë. Unë ça s’kam dëgjuar andej, kanë shitur tokë e shtëpi për të kap femër.

Dita e dytë, nisja për Tetovë

Kryetari i shoqatës – Hajt ta hëngsha gjoksin, ma ke si predhë. Të fortë e ke?

Fiksi – Edhe thash do marr atje ( Maqedoni ) se më kanë thënë janë të lira( rroba).

Kryetari i shoqatës – Po ta kërkoi ndonjëri që të jep lekë, ik q… me të të plasi b…. . Merrja lekët përpara. Jepja p… në gojë. Kështu thoi, merri nja 3 mijë franga, tak merri bli një makinë të mirë. Se u q… njëherë. Ne jemi q… tërë jetën kot. Ty do të mbajë shefi sot, të flini. Të kolaudon miku edhe të uron punë të mbarë. Se të q… ai 10 minuta.

Fiksi – E, o lali, sa mund të japin?

Kryetari i shoqatës – E varet si ta kapësh kokën. Ty Xh… sa të kanë ofru?

Vajza – Unë kam qenë e zonja, ta them troç? I kam marrë tjetrit mbi 3000 euro, vetëm duke pirë kafe. Tufat lali. Unë këtë e quaj arritje.

Fiksi – Zakonisht aty sa mund të…?

Kryetari i shoqatës – Dëgjo aty ka njerëz që ta ofrojnë, 500 ( euro) ta ofrojnë. 500. Ka dhe budallenj që të jep dhe 1000.

Fiksi – E di pse pyes, se dua të di si janë që si të sillem.

Kryetari i shoqatës – Ja moj ku i ke, po ti ke instruktoret këtu. Për ça janë këto. Eu ai duhet të vijë te lokali ta njohësh, duhet të qerasi ty se ti merr bakshishe, lekë për atë që të qeras ai ty, përqindje. Ai duhet të qerasi. Të lërë pështyje të mira ta shohësh që paguan, ka lekë. Me 500 euro po kthej unë b….

 Në pikën e kalimit kufitar

Polici doganës – Makina?

Kryetari i shoqatës – E kam marrë me qira. Artistë jemi, o shef, ku kemi ne makinat tona.

Kryetari i shoqatës – Unë kam një jetë që punoj kshu me goca. Kam 8, 9 vjet që punoj.

Fiksi – Si me e bo atë që ai të qerasi ty?

Vajza – Më dëgjo një sekondë, se ia sqaroj unë. Jemi gjithë gocat neve dhe vjen kamerieri dhe thotë ti, ti, ti çohu. Do shkosh dhe do japësh dorën. Do mbash një mikrofon në dorë, dhe do japësh dorën, ç’kemi si jeni? Edhe do vazhdosh t’i japësh muhabet, si je e kështu. Edhe po s’të dhanë muhabet ato ti do vazhdosh t’i japësh muhabet. Kur e shef që ato nuk të japin pije do rrish maksimumi 15 minuta, 10 minuta,.Kur e shef që ato nuk të japin pije lëviz në tavolinë tjetër. Ka plot k… që të japin pije. Është një lëng boronice kaq.. po nuk duhet ta pish shpejt, duhet 3 herë ta pish. Duhet të bësh gëzuar dhe duhet t’i shohësh në sy. Sepse po nuk i pe në sy ato e quajnë mungesë respekti.

Fiksi – Po nëse mua më thotë ndonjëri do vish me mua, mua më lejohet të shkoj?

Vajza – Ai do të thotë, bëja mendjen çorbë, mos i dil që ditën e parë se nuk të vijnë më në lokal me të dhënë pije. Sepse ato thonë unë e kapa këtë, e nxora këtu, mund të fut dhe një të q… Edhe nuk ka më nevojë për ty, kap gocën tjetër pastaj. Ty të lë mënjanë. Po deshe me shku, shko.

Fiksi – Nuk të thonë gjë ….

Vajza – Megjithëse ti do flasësh vetë me atë pronarin.

Lokali ku do punojnë vajzat

Fiksi – Përshëndetje si jeni?

Stafi lokalit – Si jeni mirë? Do i merrni qeto teshat? Xh… a jeni tu shku te shpija ju?

Vajza – Ku di unë ku do rrimë. Dhomat do jenë zënë. Na ço aty je qe je.

Stafi lokalit – Po ikim.

Shtëpia ku qëndrojnë vajzat

Fiksi – Ça pune bëhet? Po dhe tamam nuk e kam fare të qartë me thënë drejtën.

Vajza – E kuptoj. Kush të solli ty këtu?

Fiksi – Shpëtimi (kryetari i shoqatës) më ka sjellë.

Vajza – Ke qenë më përpara?

Fiksi – Jo. Në internet (gjetja e punës).

Vajza – Ja do ta shikosh vet. Ça të ka thënë Shpëtimi ty?

Fiksi – Asgjë tjetër. Tani mund të ulesh në tavolinë, mund të shoqërosh? Si?

Vajza – Jo në asnjë mënyrë nuk ulesh gjatë orarit të punës.

Fiksi – Edhe të kërcejmë?

Vajza – Është me dëshirë, në qoftë se do kërcen. Ke dhe përqindje nga..

Fiksi – Për shembull në qoftë se mua më qerasin me pijë sa merr? Se ça më tha Shpëtimi 3.5 euro.

Vajza – Diçka e tillë.

Fiksi – Domethënë aq gota sa marr në muaj aq lekë marr?

Vajza – Po.

Fiksi – Me siklet e kam për Zotin. Dua të dal sa më mirë.

Vajza – Shiko, Ti shiko njëherë gocat edhe mëson. Normalisht është dita e parë e punës.

Fiksi – Po edhe ajo pjesa që duhet të rrish në këmbë për mysafirët në tavolinë.

Vajza – Kështu ka qenë gjithmonë këtu.

Fiski – Po si, ça muhabeti mund t’u bësh?

Vajza – Mundohu t’u bësh muhabet, mundohu ti bësh për vete. Mundohu t’i mbash …

Fiksi – Që të të japin pije?

Vajza – Pse si kujton se është punë e lehtë? Hahahah. Të rruhet k… aty me çdo kokë pa larë. Do të të ngacmojnë shumë, do të propozojnë. Do të …. Do të thonë je më e mira, do t’i thonë të gjitha. Mundohu t’u bësh qejfin, Unë jam më e vjetra këtu. Por që mundohu të mbash mysafirin tat.

Fiksi – Po zakonisht , a.. pse janë ca klientë që vijnë enkas për ty domethënë?

Vajza – Po. Secila vajzë ka klientët e vet tashmë.

Fiksi – Që ai vjen vetëm për mua?

Vajza – Qoftë se arrin ta bësh.

Fiksi – Po bakshishe të japin?

Vajza – Po, po si merr ti bakshishet.

Fiski – A i merr lokali?

Vajza – Ti ke rrogën tate, ke pijet, kaq. Bakshishe do të japin se normal, varet tashti

Fiksi – Sa japin zakonisht?

Vajza – Kanë shumë shumë lekë, ta them unë që kanë shumë lekë. Janë ca 2, 3 koka që, vështirë me i kap ata.

Fiksi – Po kshu në tavolinë… si të reagosh në ato momente, se ke frikë mos bën ndonjë gjë e të bërtet pronari i lokalit po të japësh më shumë konfidencë.

Vajza – Si do reagosh, jo, ti mund te japësh koefidencë sa të duash aty, ti mund t’i lësh edhe të fusin duart aty. Këtu i ke kështu, natën ditën e parë i ke në kafe, ditën e dytë të çojnë në drekë, ditën e tretë të çon në hotel. E ke kshu këtu. Kshu që mos dil shumë me mysafirët se pastaj mësohen dhe nuk vijnë më te lokali. Se prandaj është prish puna se dalin gocat me mysafirët. Mund t’i dalësh, ok mund t’i dalësh në qoftë se ai të jep çdo natë pije. A e di sa mysafirë do të bëjnë kshu ty, tashti varet.

Fiksi – Këta të punës nuk është se të thonë gjë? Dhe po ta them se s’ta mbarova qëparë muhabetin, Unë e lexova lajmërimin ( për punë) që thoshte sekretare.

Vajza – Hahahaha

Fiksi – Marr Shpëtimin dhe më thotë mua lokal. E mire i thashë unë se unë nuk është se s’kam punuar ndonjëherë. Si the ti, si e dije ti? Pastruese?

Vajza – Parukiere.

Në lokal, vendi ku do punojnë vajzat

Fiksi – Qenkan pak sot?

Pronari i lokalit – Vijnë po asht ma dobët se asht Ramazan. Të premten, të premten do punojmë. Si thashë edhe nuk pinë njerëzit edhe vinë si pa lidhje. Mbas Ramazanit do bahet nami.

Fiksi – Po këta, ju afrohen, ju afrohet me pi gocave?

Pronari i lokalit – Po

Fiksi – Kështu si merr me dashtë për një natë?

Pronari i lokalit – Ka tek hoteli (hoteli mbi lokalin )

Fiksi – Po me dash i zgjedh vetë apo si ashtu…

Pronari i lokalit – Edhe si të duash mund ta thirri

Fiksi – Sa është nata?

Pronari i lokalit –Jo nata, për nji herë, nji herë

Fiksi – Për nji herë sa është?

Pronari i lokalit – 50 euro

Fiksi – 50 euro, pasnesër me ke këtu

Pronari i lokalit – Ani, natën e mirë!