VIDEO/ Kapet në Durrës, mënyra e re që kishte gjetur lezhjani për të trafikuar drogë (Emri)

    89
    Mbrëmjen e djeshme një 28-vjeçar nga Lezha ka tentuar të trafikojë marijuanë në formë të lëngët, por është arrestuar në portin e Durrësit.
    Më datë 23.07.2017, gjatë kontrollit të ushtruar në Pikën e Kalimit Kufitar Port Durrës, në mjetin furgon tip “Fiat”, me drejtues 28-vjeçarin P.K, pas një analize të hollësishme risku dhe verifikimeve të tjera nga Specialistët e vijës së dytë të Kontrollit dhe skanimit që i’u bë mjetit, në pjesën e përparme të tij, tek dera e shoferit u gjet lëndë narkotike.

    Veprimet e mëtejshme hetimore u kryen nga Specialistët për Hetimin e Narkotikëve, ku gjatë peshimit rezultoi: 4.6 kg përzierje me lëndë narkotike e dyshuar e llojit Marjuanë, në gjëndje të lëngët.

    Specialistët dhe grupi hetimor vijojnë punën për kapjen e personave të tjerë të implikuar në këtë rrjet kriminal.

    Materialet i kaluan Prokurorisë pranë Krimeve të Rënda Tiranë, për veprime të mëtejshme për veprën penale “Trafikimi i lëndëve narkotike”.