Lëvizja “Për Universitetin” ka nisur marshimin në Bulevardin Dëshmorët e Kombit drejt kryeministrisë.Kundër ligjit për ligjin e Arsimit të Lartë dhe kundër dhunës së ushtruar nga policia sipas tyre, studentët protestojnë sot nënë moton :Arsim Publik Falas”
Me anë të një postimi në rrjetin social Facebook studentët lajmërojnë nisjen e protestës shoqëruar edhe me një fotografi:
S’ka më heshtje, s’ka më pritje
Por ka vetëm brohoritje
Kundër dhunës tarifore
kundër dhunës policore
Po marshojmë të revoltuar
Kjo reformë duhet ndaluar
Do vazhdojmë të kundërshtojmë
Sot studentët protestojnë
Ka dy vite me tubime
Peticione dhe marshime
sot studentët e bashkuar
Mbrojnë të ardhmen e dhunuar.
Dhjetëra studentë janë duke protestuar në këto momente tek Kryeministria.Protestuesit mbajnë në duar pankarta kundër ligjit të arsimit të lartë, për të cilin deklarojnë se është klientelist dhe rrit ndjeshëm tarifën e shkollimit në arsimin e lartë. Organizatorët kërkojnë nga qeveria dhe mazhoranca që të tërheqin këtë ligj, që sipas tyre shkatërron arsimin e lartë dhe çon fondet publike drejt institucioneve private arsimore. Protesta është shumë më e madhe se herët e kaluara për shkak se janë bashkuar edhe studentët nga rrethet. Duket se organizimi është masiv, protestë e mbështetur edhe nga pedagogë të cilët kundërshtojnë reformën në Arsimin e Lartë.