Shqipëri o yll e dritë,
Kush t’i vodhi bukuritë,
Kush t’i vodhi t’i grabiti,
Shejtani dhe jeziti !…
Ku i ke fushat e gjera,
Janë shkretuar që të tëra,
Anë e mbanë këtij vendi,
Rritet ferra edhe gjëmbi !…
Ku i ke pyjet e bukur,
T’i kanë prerë e t’i kanë zhdukur,
Ku janë gjithë ato qyteza
Janë mbuluar nga e zeza !…
Ku i ke fshatrat me radhë,
Janë kthyer në gërmadhë,
S’kanë frymën që u jep jetë,
Gjithë ikën në kurbet!…
Kombinatet dhe uzinat,
Kjo kohë u vuri minat,
E pësoi gjithë Shqipëria,
E pësoi nga barbaria !…
Shqipëri o yll e dritë,
Anë e mbanë me banditë,
Pasi shpërtheu Gërdeci,
T’u shtuan si karkaleci !…
Karkalecat – re e zezë,
E kthyen vendin varrezë,
Se kur karkaleci sulet,
Thahet bari, thahen lulet !…
Ku janë ato miniera ,
I mbulojë gjembi dhe ferra,
Ku është nafta dhe bitumi,
Të gjitha i mori lumi !…
Po ne do ta hedhim hallin,
Me Berishën dhe Topallin,
Me Shpëtimin dhe Vangjelin,
Që na vunë në grykë çengelin !…