Reforma në arsimin e lartë, Rama: Shqipëria ia kaloi Britanisë së Madhe dhe Gjermanisë për numrin e universiteteve

    92

    Përpara pedagogëve në Universitetin Politeknik të
    Tiranës, kryeministri Edi Rama ironizoi sistemin e lartë arsimor të viteve të
    shkuara, ndërsa e quajti atë një sistem me vetëm një korsi, nga klasa e parë
    deri në universit. Duke vijuar me ironi, Rama tha se Shqipëria ia kaloi
    Britanisë së Madhe dhe Gjermanisë për numrin e universiteteve për frymë të
    popullsisë, dhe se para 3 vitesh mendohej si të merrte ngalësi atë që nuk i
    takon.

    “Besoj që ky është një komunikim i
    vështirë, në këtë sallë besoj që s’ka nga ata që e kanë mbaruar gjimnazin me
    mesatare 6, besoj që do ishit të parët që do thoshit sa shumë ka rënë ky pazar
    nga dita kur keni mbaruar ju gjimnazin deri më sot. Është vendosur një mesatare
    6 dhe kjo konsiderohet si blasfemi se të tjerë me 5,1 apo 4,9 nuk lejohen të
    hyjnë në universitet. Sistem arsimor me një korsi, një rrugë e të ardhmes për
    gjithë gjenaratën me një korsi nga klasa e parë drejt në universitet. Për të
    mos folur që arritëm një rekord botëror, kishim më shumë universitete se
    Britania e Madhe dhe Gjermania për frymë. Pra u ndërtua një rrugë për ti rënë
    shumë shkurt në të tashmen duke larguar të ardhmen. Një rrugë për të mbajtur
    pushtetin”,- tha Rama në nisje.

    Sipas Ramës, “Arsimi profesional u
    mbyll si korsi, mbetën disa për të mbajtur në punë mësues dhe administrata që
    duheshin për votim. Për tu bërë elektricist dëgjoje leksione pa prekur një tel
    dhe një llambe”.

    “Ajo që shteti duhet të garantojë
    është barazia e mundësive, jo dhënia me doemos e kësaj të drejte kur nuk
    ekzistojnë kushtet e meritës. Këtu shqetësim ka qënë si ngelësi të marrë atë që
    nuk i takon”,- vijoi Rama.

    Duke u ndalur tek shifrat kryeminsitri
    tha se sot janë regjistruar në universitet 20 mijë studentë, 4449 janë në
    privat dhe 15 mijë në universitetin publik.