Ditët e fundit me diell i kanë çuar jo pak shqiptarë drejt bregdetit. Të lodhur nga dimri dhe shirat pafund me sa duket të gjithë ishin të etur për pak diell, por reshjet do të vijojnë, kështu të paktën thonë sinoptikanët.
Sipas Meteoalb, kthjellime dhe vranësira të shpeshta do të mbeten prezent. Dita e diel, paraqitet me kthjellime të shkurtra dhe vranësira të shpeshta deri në mesditë kur pritet fuqizim i vranësirave dhe shira të përkohshëm në zonat Veriore dhe Lindore të vendit.
Temperaturat e ajrit mbeten konstante në mëngjesin e së shtunës por rritje të lehtë sjell mesdita kur pritet maksimumi 29°C. Dita e diel, sjell rritje të lehtë të vlerave termike në pjesën më të madhe të vendit përjashtuar zonat veriore ku mesdita do të sjell një rënie mesatarisht 2°C.
Era do të fryjë mesatare deri e fortë me shpejtësi 60 km/h në drejtim jugor duke krijuar një dallgëzim në det pre 4 ballë.
