Një konflikt mes dy të rinjve ka degjeneruar në përplasje me armë zjarri në qytetin bregdetar të Durrësit. Të shtënat me armë zjarri janë regjistruar mbrëmjen e sotme në qendër të qytetit.
Nga të shtënat nuk ka njoftime për të plagosur, ndërsa policia në vendngjarje ka sekuestruar disa gëzhoja.
Policia ka shoqëruar një nga të dyshuarit e përfshirë në konflikt dhe po punon për kapjen e autorit tjetër, i cili është larguar me shpejtësi.
Nuk dihen shkaqet dhe motivet e ngjarjes. Forca policie në vendngjarje kanë nisur hetimet.