Emrat e personave që u është bërë afishimi Publik i Regjistrimit Fillestar të Pasurive të Paluajtshme për Zonën Kadastrale Nr. 8260, Tiranë
Në kuadrin e regjistrimit fillestar të pasurive të paluajtshme, Zyra e Regjistrimit të Pasurive të Paluajtshme, ka nisur afishimin publik për pasuritë e paluajtshme të Zonës Kadastrale (ZK) Nr. 8260, në qytetin e Tiranës. Kjo Zonë Kadastrale përfshin pasuritë e paluajtshme të një pjese të Rrugës “Komuna e Parisit” dhe të “Tiranës së Re”, deri të “Pallati me Shigjeta”. Qeveria shqiptare ka iniciuar Projektin e Administrimit dhe Menaxhimit të Tokës (LAMP-A2.2/TS/FR/ICB-01). Si pjesë e këtij projekti, në Shqipëri po ndërtohet Sistemi i Ri i Regjistrimit të Pasurive të Paluajtshme bazuar në Ligjin Nr. 33/2012, i datës 21. 03. 2012 “Për regjistrimin e pasurive të paluajtshme”. Baza e këtij sistemi krijohet nëpërmjet procedurës së Regjistrimit Fillestar të Pasurive të Paluajtshme nën drejtimin e Kryeregjistruesit të Shqipërisë. Në vijim të ndërtimit të Sistemit të Ri të Regjistrimit të Pasurive të Paluajtshme, Zyra Qendrore e Regjistrimit të Pasurive të Paluajtshme (ZQRPP) njofton se ka filluar Afishimi Publik i Regjistrimit Fillestar të Pasurive të Paluajtshme për Zonën Kadastrale Nr. 8260, Tiranë. Ky afishim bëhet në territorin e Zonës Kadastrale Nr. 8260, saktësisht në adresën, Rruga “Medar Shtylla”, (“Komuna e Parisit”), Pallati Edil-Al, Përballë “Neptun Shop”, Kati I, Tiranë. Periudha e Afishimit Publik do të vazhdojë 45 ditë kalendarike. Të gjitha subjektet private dhe shtetërore që kanë të drejta pronësie, ose të drejta të tjera reale mbi pasuritë e paluajtshme në Zonën Kadastrale Nr. 8260, janë të ftuar të verifikojnë Regjistrimin Fillestar të pasurive të tyre. Në këtë fazë të këtij procesi, është e rëndësishme bashkëpunimi i ngushtë i të gjithë personave, që kanë të drejtë mbi pasurinë, me ekspertët, duke verifikuar të dhënat në listat e afishuara. Në rast se, gjatë kësaj faze konstatohen mangësi në informacionin e afishuar, atëherë pronari, si dhe personat që kanë interesa të tjera mbi pasurinë, duhet të bëjë plotësimet e nevojshme dhe t’i paraqesë vetë ato, brenda afatit të afishimit publik, në ambientin e afishimit, pranë specialistëve të ngarkuar me këtë detyrë. Afishimi Publik i Regjistrimit Fillestar të Pasurive të Paluajtshme mund të shihet edhe në faqen zyrtare të Internetit të ZRPP-së: www.zrpp.gov.al
Nr. |
ZVRPP
|
Numri i Z. K. |
Vendi i Afishimi Publik (Adresa) |
Fillimi i Afishimit Publik |
Përfundimi i Afishimit Publik
|
Orari |
Tel. Kontaktit |
|
1. |
TIRANË |
8260 |
Rruga “Medar Shtylla” (“Komuna e Parisit”), Pallati Edil-Al, Përballë “Neptun Shop”, Kati I, Tiranë. |
01 Prill 2013 |
15 Maj 2013 |
|
0692287573 0692287583
|