Gjermania
pritet të kthejë së shpejti rreth 100 mijë emigrantë në vendet e tyre.
Kancelarja gjermane Angela Merkel njoftoi në një konferencë rajonale të CDU-së
në fundjavë duke shtuar se rreth 60,000 prej tyre do kthehen në vendet e tyre
vullnetarisht, përmes programeve të deportimit, ndërsa 1 e treta do përballen
me kthim të detyrueshëm.
Refugjatët
që do kthehen vullnetarisht do të pajisen me biletën e avionit dhe me ndihmë
fillestare për t’i bërë ballë kthimit në vendin e tyre të origjinës.
Duke iu
referuar veçanërisht Afganistanit, Merkel vuri në dukje se “jo e gjithë rinia
afgane mund të vijë në Gjermani”.
Kancelarja
gjermane gjithashtu ju bëri thirrje shteteve federale të përmbushin detyrimet e
tyre për sa i përket deportimit të emigrantëve që iu është refuzuar azili.
Nuk
është hera e parë që Merkel thekson nevojën për kthimin e emigrantëve të cilëve
ju është refuzuar kërkesa për azil. 21,000 azil kërkues u deportuan në vitin 2015
dhe 35,000 të tjerë janë deportuar në shtatë muajt e parë të 2016 nga
Gjermania.
