ITALI/Çudia e Qeverisë
italiane, taksa mbi lejeqëndrimet. INCA: “Qeveria as
do t’ia dijë për të drejtat e imigrantëve”
– Rrezikohet kthimi Emigrantët
në udhëkryq, kthehet taksa e lejeqëndrimit,
-Taksa mbi lejen e
qëndrimit, Qeveria kërkon të zhvatë emigrantët sërish
Piccinini: “Është shumë e dyshimtë shpejtësia me të cilën
përgjigjet Këshilli i Shtetit, edhe pse Kuesturat kishin modifikuar tashmë
procedurat duke iu përshtatur sentencës së TAR-it. Kush jeton, punon e paguan
taksat në Itali nuk meriton një trajtim të tillë”
– “Me një shpejtësi të
habitshme dhe të dyshimtë, presidenti i seksionit të tretë të Këshillit të
Shtetit, pak orë pas depozitimit të ankimit të Qeverisë e pa dëgjuar fare
arsyet e sindikatës CGIL dhe patronatit INCA, ka marrë përsipër përgjegjësinë të
pezullojë, i vetëm, pasojat e sentencës së TAR-it të 24 majit të shkuar” që
hiqte kontributin mbi lejen e qëndrimit. Kështu ngre zërin Morena Piccinini,
presidente e patronatit INCA.
“Lind pyetja – pohon
ajo – me çfarë motivohet gjithë kjo shpejtësi e panevojshme kur argumentet e
paraqitura nga Avokatura e Shtetit janë sheshit të kapërcyera nga faktet.
Avokatura duket sikur nuk di që procedurat e Questurave janë modifikuar tashmë
pikërisht për të mundësuar lëshimin e lejeve të qëndrimit edhe për ata që nuk
kanë derdhur kontributin. Atëherë për ç’arsye thuhet se ka urgjencë për të
pezulluar efektet e sentencës duke qenë se bie argumenti kryesor që ka të bëjë
me vështirësinë e përshtatjes së procedurave?”.
“E përsërisim –
këmbëngul presidentja – kjo shpejtësi është shumë e dyshimtë pikërisht sepse
flasim për të drejtat e imigrantëve. Ngremë pyetjen nëse do të ishin kaq të
shpejtë nëse çështja do të ishte e një natyre tjetër. Është pikërisht me këtë
vendim të djeshëm që krijohet kaos në administrimin e kërkesave të lejeve të
qëndrimit; të paktën deri më 13 tetor, datë e seancës së parë në Këshillin e
Shtetit, e ndoshta edhe më gjatë”. Sipas Piccinini-t, “qytetarët imigrantë që
jetojnë, punojnë, derdhin kontribute dhe taksa në Itali nuk meritojnë këtë
trajtim nga shteti”. “Si INCA do të mbështesim e tutelojmë në çdo seli
institucionale, politike e gyqësore, të drejtat e këtyre qytetarëve dhe
afirmimin e një parimi që Gjykata evropiane e Drejtësisë ka njohur. E qeveria
italiane, në vend që të respektojë në këtë aspekt Gjykatën evropiane, tregon se
as që e vë ujin në zjarr”.
